അബുദബി:ലോകത്തെ സമാധാനവും സുസ്ഥിരതയും നൽകി ദൈവം അനുഗ്രഹിക്കട്ടെയെന്നും, എല്ലാ മനുഷ്യർക്കും കരുണയും സമാധാനവും സുസ്ഥിരതയുമുണ്ടാവാൻ സർവ ശക്തനോട് പ്രാർത്ഥിക്കുന്നുവെന്നും യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്‌യാൻ. നബിദിനത്തോടനുബന്ധിച്ച് എക്സ്‌സിൽ കുറിച്ച സന്ദേശത്തിലാണ് അദ്ദേഹം ഇങ്ങനെ പറഞ്ഞത്. 

യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമും നബിദിന സന്ദേശം നൽകി. മനുഷ്യരാശിയുടെ ഏറ്റവും മികച്ച മധ്യസ്ഥനും ഭൂമിയുടെ വെളിച്ചവും ലോകത്തിനാകെ കാരുണ്യവുമായ പ്രവാചക ശേഷ്ഠരുടെ ജന്മവാർഷികത്തിൽ സമൂഹത്തിനു ഞങ്ങൾ ഹൃദയംഗമമായ അഭിനന്ദനങ്ങൾ അറിയിക്കുന്നു -അദ്ദേഹം എക്സിൽ കുറിച്ചു. രാഷ്ട്ര മാതാവ് ശൈഖാ ഫാത്തിമ ബിൻത് മുബാറക്കും ആശംസാ സന്ദേശാമയച്ചതായി ദേശീയ വാർത്താ ഏജൻസി റിപ്പോർട്ടിൽ പറഞ്ഞു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക