ആലപ്പുഴ: ചെങ്ങന്നൂര്‍ഇറപ്പുഴ ചതയം ജലോത്സവത്തിനിടെ പള്ളിയോടങ്ങള്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചു. വിഷ്ണുദാസ് എന്ന അപ്പുവാണ് മരിച്ചത്. 

മുതവഴി, കോടിയാട്ടുകര പള്ളിയോടങ്ങള്‍ തമ്മിലാണ് കൂട്ടിയിടിച്ചത്. പിന്നാലെ മുതവഴി പള്ളിയോടത്തിലെ തുഴച്ചില്‍ക്കാരനായ വിഷ്ണുദാസിനെ കാണാതായിരുന്നു. ഇയാളെ ഫയര്‍ ഫോഴ്‌സ് കണ്ടെത്തി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അപകടത്തെ തുടര്‍ന്ന് സ്ഥലത്ത് സംഘര്‍ഷമുണ്ടായി. ഇതോടെ ജലോത്സവം ഫൈനല്‍ മത്സരം ഉപേക്ഷിച്ചു.