ലണ്ടന്‍: വടക്ക് പടിഞ്ഞാറന്‍ ലണ്ടനിലെ വില്ലെസ്ഡനില്‍ ഭീകരാക്രമണം തകര്‍ത്തുവെന്ന് പൊലിസ്. 21 കാരിക്ക് അക്രമിയുടെ വെടിയേറ്റു. സംഭവവുമായി ബന്ധപ്പെട്ട് പൊലിസ് കെന്റില്‍ നടത്തിയ റെയ്ഡില്‍ ആറുപേരെ അറസ്റ്റ് ചെയ്തു. എന്നാല്‍ പാര്‍ലമെന്റിന് സമീപം നടന്ന ആക്രമണവുമായി അറസ്റ്റിന് ബന്ധമില്ലെന്നാണ് പൊലിസ് പറയുന്നത്. ഈ കേസില്‍ ഒരാളെ കസ്റ്റഡിയിലെടുത്തിട്ടുണ്ടെന്നും ഭീകരബന്ധം സംശയിക്കുന്നതായും പൊലിസ് പറഞ്ഞു.
വ്യാഴാഴ്ച വൈകിട്ട് വില്ലേസ്ഡണ്‍ ഹര്‍ലസ്ഡന്‍ റോഡിലെ വീട്ടില്‍ നടത്തിയ റെയ്ഡിലാണ് അറസ്റ്റ്. അറസ്റ്റിലായവരില്‍16 വയസുള്ളകുട്ടി, 20 വയസുള്ള സ്ത്രീയും പുരുഷനും ഉള്‍പ്പെടും. കെന്റില്‍ 43 കാരിയായ സ്ത്രീയാണ് അറസ്റ്റിലായത്. വില്ലേസ്ഡണില്‍ 28 വയസുള്ള മറ്റൊരു സ്ത്രീയും പുരുഷനും അറസ്റ്റിലായിട്ടുണ്ട്.