കൊല്‍ക്കത്ത: പശ്ചിമ ബംഗാളിലെ മുതിര്‍ന്ന സി.പി.എം നേതാവും കേന്ദ്ര കമ്മറ്റി അംഗവുമായ ശ്യാമള്‍ ചക്രബര്‍ത്തി (77) കൊവിഡ് ബാധിച്ച് മരിച്ചു. കൊവിഡ് പോസിറ്റീവ് ആയതിനെ തുടര്‍ന്ന് അദ്ദേഹത്തെ ജൂലായ് 30നാണ് ആശുപത്രിയില്‍ പ്രവേശിപ്പിച്ചത്.

1981 ല്‍ ആദ്യമായി ബംഗാള്‍ നിയമസഭയിലേക്ക് തെരഞ്ഞെടുക്കപ്പെട്ടു. 9 വര്‍ഷം ഗതാഗത വകുപ്പ് മന്ത്രിയായിരുന്നു. രാജ്യസഭാംഗമായി പ്രവര്‍ത്തിച്ചു. പശ്ചിമ ബംഗാളിലെ ട്രേഡ് യൂണിയന്‍ രംഗത്തും സജീവ സാന്നിധ്യമായി.

ബംഗാളി ചലച്ചിത്ര നടി ഉഷാസി ചക്രബര്‍ത്തി മകളാണ്. പശ്ചിമ ബംഗാളില്‍ കൊവിഡ് ബാധിച്ച് മരിക്കുന്ന രണ്ടാമത്തെ മുതിര്‍ന്ന രാഷ്ട്രീയ നേതാവാണ് ശ്യാമള്‍ ചക്രബര്‍ത്തി.