കാട്ടാക്കട: വിഷുക്കണി വാങ്ങാന്‍ പോയ വീട്ടമ്മയെ അപമാനിച്ച സംഭവത്തില്‍ മാറനല്ലൂര്‍ സ്വദേശി ശെല്‍വരാജാനെ(57) മാറനല്ലൂര്‍ പൊലിസ് കസ്റ്റഡിയിലെടുത്തു. ഞായറാഴ്ച രാത്രിയായിരുന്നു സംഭവം.
കണിക്കൊന്നപ്പൂക്കളും മറ്റും ശേഖരിച്ചശേഷം തിരികെ വീട്ടിലേക്ക് വന്ന സ്ത്രീയെയാണ് മദ്യലഹരിയിലായിരുന്ന ശെല്‍വരാജ് കടന്നുപിടിച്ചത്. വീട്ടമ്മ ബഹളം കൂട്ടിയതോടെ അയല്‍വാസികളും നാട്ടുകാരും ഓടിക്കൂടി. ഇയാളെ തടഞ്ഞുവച്ച് പൊലിസിന് കൈമാറുകയായിരുന്നു. മാറനല്ലൂര്‍ സി.ഐ ബെന്നിലാലുവിന്റെ നേതൃത്വത്തിലെത്തിയ പൊലിസ് ഇയാളെ കസ്റ്റഡിയിലെടുത്ത് സ്റ്റേഷനിലെത്തിച്ചെങ്കിലും നെഞ്ചുവേദന അനുഭവപ്പെടുന്നതായി അറിയിച്ചതിനെ തുടര്‍ന്ന് നെയ്യാറ്റിന്‍കര ഗവ.ആശുപത്രിയിലേക്ക് മാറ്റി.