പാലക്കാട്: റോഡില്‍ പൊട്ടിവീണ മരക്കൊമ്പും വൈദ്യുതി കമ്പികളും നീക്കം ചെയ്യാതെ അധികൃതര്‍. ഗതാഗതം തടസം തുടങ്ങിയിട്ട് ദിവസങ്ങളായിട്ടും അധികൃതര്‍ മുറിച്ചുമാറ്റാത്തതില്‍ നാട്ടുകാരില്‍ പ്രതിഷേധം ശക്തമാണ്.
ജില്ലാ ഹോസ്പിറ്റല്‍ പ്രസവ വാര്‍ഡിനടുത്തെ റോഡിലാണ് മരക്കൊമ്പും വൈദ്യുതി കമ്പികളും നീക്കം ചെയ്യാതെ കിടക്കുന്നത്. വീതി കുറഞ്ഞ റോഡാണിത്. ദിവസേന നൂറുകണക്കിന് രോഗികളാണ് ഈ വഴിയിലൂടെ ആശുപത്രിയിലെത്തുന്നത്.
ഇവര്‍ വരുന്ന വാഹനങ്ങള്‍ക്ക് റോഡിലൂടെ പോകാനോ, കാല്‍നട യാത്രക്കാര്‍ക്ക് നടന്നുപോകാനോ കഴിയാത്ത അവസ്ഥയാണുള്ളത്. രോഗികള്‍ക്കും മറ്റും ദുരിതം തീര്‍ക്കുകയാണ് മുറിഞ്ഞുവീണ മരക്കമ്പുകളള്‍. കെ.എസ്.ഇ.ബി അധികൃതര്‍ അറിഞ്ഞിട്ടും നടപടിയെടുക്കുമ്മന്നില്ലെന്നാണ് നാട്ടുകാരുടെ പരാതി.