തൊടുപുഴ: കാഡ്‌സ് ഗ്രീന്‍ഫെസ്റ്റില്‍ സംഘടിപ്പിച്ചിരിക്കുന്ന പുഷ്പ്പമേളയില്‍ സന്ദര്‍ശനത്തിരക്കേറുന്നു. പുതിയതരം പൂച്ചെടികളെപ്പറ്റി അറിയുവാനും വാങ്ങുവാനും നഗരത്തിന് വെളിയില്‍ നിന്നും ആളുകള്‍ എത്തുന്നുണ്ട്. ജബോട്ടിക്ക, ഓര്‍ക്കിഡുകള്‍, ജര്‍ബറ, റോസിന്റെയും ചെമ്പരത്തിയുടെയും വിവിധയിനം ചെടികള്‍ മേളയില്‍  പതിട്ടേകുന്നു. പുതുമയും കൗതുകവുമുള്ള കാര്‍ഷിക മത്സരങ്ങള്‍ ഇന്നലെ നടന്നു.
ഇന്ന് രാവിലെ പത്തിന് പരിശീലനപരിപാടിയില്‍ വിത്തുകളുടെ ഉല്‍പാദനവും സംസ്‌കരണവും സംബന്ധിച്ച് ക്ലാസ് നടക്കും. ക്ലാസ് നയിക്കുന്നത് ജയ്.എസ് ബാബുവാണ്. കൂടാതെ പുഷ്പാലങ്കാര മത്സരവും നടക്കും. വൈകിട്ട് നാല് മണിക്ക് മാമ്പഴം തിരിച്ചറിയല്‍ മത്സരം നടക്കും. ആറ് മണിക്ക് ചിദംബര സ്‌കൂള്‍ ഓഫ് ഡാന്‍സിന്റെ നൃത്തസന്ധ്യ.