മറയൂര്‍: സ്‌കൂള്‍ വളപ്പില്‍ പൊട്ടിവീണ ലൈനില്‍ നിന്നും വൈദ്യുതാഘാതമേറ്റ് പിടഞ്ഞ് നിലവിളിച്ച വിദ്യാര്‍ഥിനിയെ അധ്യാപിക രക്ഷപെടുത്തി. അതിര്‍ത്തി ഗ്രാമമായ പള്ളപാളയം സര്‍ക്കാര്‍ സ്‌കൂളിലാണ് സംഭവം .
അഞ്ചാം ക്ലാസ് വിദ്യാര്‍ഥിനയായ സംഗീത (10) യാണ് ഇന്നലെ രാവിലെ 11.45ന് സ്‌കൂള്‍ വളപ്പില്‍പൊട്ടികിടന്ന വൈദ്യുതി ലൈനില്‍ ചവട്ടി അപകടത്തില്‍പ്പെട്ടത്.
കുട്ടിയുടെ അലര്‍ച്ച കേട്ടെത്തിയ ജീവനക്കാര്‍ കുട്ടിയെ പിടിക്കാന്‍ ശ്രമിച്ചെങ്കിലും അധ്യാപികയായ വസന്ത അവരെ തടയുകയും സമീപത്തുനിന്നും ഉണക്ക കമ്പും ചുരിദാറിന്റെ ഷാളും ഉപയോഗിച്ച് വൈദ്യുതി കമ്പി നീക്കിയ ശേഷം കുട്ടിയെ രക്ഷിക്കുകയായിരുന്നു.
കള്ളിപാളയം മണികുമാറിന്റെ മകളാണ് സംഗീത. സ്‌കൂള്‍ വളപ്പിലൂടെ കടന്ന് പോകുന്ന വൈദ്യുതി ലൈന്‍ മാറ്റി സ്ഥാപിക്കണമെന്ന് രക്ഷിതാക്കള്‍ ആവശ്യപ്പെട്ടു.