മൂവാറ്റുപുഴ: കേരള നദ്‌വത്തുല്‍ മുജാഹിദീന്‍ പെരുമറ്റം ശാഖ കമ്മിറ്റിയുടെ ആഭിമുഖ്യത്തില്‍ അന്താരാഷ്ട്ര ഖുര്‍ആന്‍ പഠന പദ്ധതിയുടെ ഉദ്ഘാടനവും കുടുംബസംഗമവും നടത്തി. പെരുമറ്റം പള്ളിക്കവലയില്‍ നടന്ന ചടങ്ങില്‍ അന്താരാഷ്ട്ര ഖുര്‍ആന്‍ പഠന പദ്ധതിയുടെ ഉദ്ഘാടനം കെ.എന്‍.എം സംസ്ഥാന സെക്രട്ടറി എം.സലാഹുദ്ദീന്‍ മദനി നിര്‍വ്വഹിച്ചു. കുടുംബ സംഗമം സി.എം മൗലവി ഉദ്ഘാടനം ചെയ്തു. കെ.എന്‍.എം ശാഖ പ്രസിഡന്റ് കെ.എ മക്കാര്‍ അധ്യക്ഷത വഹിച്ചു. ഷംസുദ്ദീന്‍ ഫാറൂഖി, പി.എം.കബീര്‍, പി.എ കബീര്‍ സുല്ലമി എന്നിവര്‍ പ്രസംഗിച്ചു.