കോഴിക്കോട്: മുസ്‌ലിം ലീഗ് നിയമസഭാ പാര്‍ട്ടി ലീഡറും പ്രതിപക്ഷ ഉപനേതാവുമായി തെരഞ്ഞെടുക്കപ്പെട്ട ഡോ. എം.കെ മുനീറിന് സൗത്ത് നിയോജക മണ്ഡലം കമ്മിറ്റി മെയ് 13ന് കുറ്റിച്ചിറയില്‍ സ്വീകരണം നല്‍കും.
 അഞ്ച് മണിക്ക് ഇടിമുഴിക്കലില്‍ നിന്നും ഘോഷയാത്രയായാണ് എം.കെ മുനീറിനെ ആനയിക്കുക. സ്വീകരണം സംബന്ധിച്ച് മണ്ഡലം മുസ്‌ലിം ലീഗ് ഭാരവാഹികളുടെയും പോഷക സംഘടനാ ഭാരവാഹികളുടെയും സംയുക്ത യോഗം രൂപം നല്‍കി.കെ. മൊയ്തീന്‍ കോയ അധ്യക്ഷനായി. ജനറല്‍ സെക്രട്ടറി സി.ടി സക്കീര്‍ ഹുസൈന്‍ സ്വാഗതം പറഞ്ഞു.
വിവിധ സബ്കമ്മിറ്റി ചെയര്‍മാന്‍മാരും കണ്‍വീനര്‍മാരുമായി എസ്.വി ഉസ്മാന്‍ കോയ, എം.എം. കാതിരികോയ( ധനകാര്യം), കെ.പി അബ്ദുല്ലക്കോയ, പി.പി നസീര്‍ (പ്രോഗ്രാം), ഇ.പി അശ്‌റഫ്, ഫൈസല്‍ പള്ളിക്കണ്ടി (പബ്ലിസിറ്റി), എം.പി കോയട്ടി, പി.ടി ലത്തീഫ്( സ്‌റ്റേജ്), എ.ടി മൊയ്തീന്‍ കോയ, എം.പി മൊയ്തീന്‍ ബാബു (ഘോഷയാത്ര) എന്നിവരെ തെരഞ്ഞെടുത്തു.