കൊളത്തൂര്‍: കുറുപ്പത്താല്‍ ടൗണിലെ ബസ് സ്റ്റാന്‍ഡ് അസൗകര്യങ്ങളില്‍ വീര്‍പ്പുമുട്ടാന്‍ തുടങ്ങിയിട്ട് വര്‍ഷങ്ങളാകുന്നു. രാത്രിയായാല്‍ ബസ് സ്റ്റാന്‍ഡ് പരിസരം പൂര്‍ണമായും ഇരുട്ടിലാകും. എന്നാല്‍ രാത്രിസമയം കൂടാതെ പകല്‍ സമയങ്ങളില്‍ മണിക്കൂറുകളോളം ബസ് കാത്തുനില്‍ക്കുന്ന യാത്രക്കാര്‍ക്ക് പ്രാഥമിക കര്‍മങ്ങള്‍ നിര്‍വഹിക്കാന്‍ പോലും ഇവിടെ സൗകര്യമില്ല.
ബസ് സ്റ്റാന്‍ഡിലെ ശൗചാലയങ്ങള്‍ അടഞ്ഞുകിടക്കാന്‍ തുടങ്ങിയിട്ട്  കാലങ്ങളായി. ഒരുവര്‍ഷം മുമ്പ് പഞ്ചായത്ത് ഭരണസമിതിയുടെ നേതൃത്വത്തില്‍ ഇതുവഴി കൈ കുഞ്ഞുങ്ങളുമായി കടന്നു പോകുന്ന അമ്മമാര്‍ക്ക് വിശ്രമമുറിയൊരുക്കുമെന്ന് പറഞ്ഞ് പദ്ധതിയുടെ ഉദ്ഘാടനം വരെ നടത്തിയെങ്കിലും  പറഞ്ഞതൊന്നും നടപ്പായില്ല.