തിരുവനന്തപുരം: ലോക്‌സഭാ തെരഞ്ഞെടുപ്പില്‍ കേരളത്തില്‍ നിന്ന് മത്സരിക്കുന്ന യു.ഡി.എഫിന്റെ 20 സ്ഥാനാര്‍ഥികളും ലീഗിന്റെ സ്വന്തം സ്ഥാനാര്‍ഥികളാണെന്ന് പാണക്കാട് സയ്യിദ് സാദിഖലി ശിഹാബ് തങ്ങള്‍.

ട്രിവാന്‍ഡ്രം വിമണ്‍സ് കോണ്‍ക്ലേവ് സംഘടിപ്പിച്ച സംവാദം പരിപാടിയില്‍ സംസാരിക്കുകയായിരുന്നു അദ്ദേഹം. തിരുവനന്തപുരം മണ്ഡലത്തിലെ യു.ഡി.എഫ് സ്ഥാനാര്‍ഥി ശശി തരൂരും ലീഗിന്റെ സ്വന്തം സ്ഥാനാര്‍ഥിയായാണ് തങ്ങള്‍ കരുതുന്നത്. കക്ഷിരാഷ്ട്രീയത്തിനതീതമായ വ്യക്തിപ്രഭാവമുള്ള ശശി തരൂരിനെ വിജയിപ്പിച്ച് രാജ്യത്തിനുവേണ്ടി ഇനിയും പ്രയോജനപ്പെടുത്തണമെന്നും സാദിഖലി ശിഹാബ് തങ്ങള്‍ പറഞ്ഞു.