തിരുവനന്തപുരം: മാധ്യമപ്രവര്‍ത്തകര്‍ക്കെതിരായ ഫേസ്ബുക്ക് പോസ്റ്റുകള്‍ അപകീര്‍ത്തികരവും മാനഹാനിയുണ്ടാക്കുന്നതും ലൈംഗിക ചുവയുള്ളതുമാണെന്ന് റെയ്ഞ്ച് ഡി.ഐ.ജിയുടെ റിപ്പോര്‍ട്ട്.

മാധ്യമപ്രവര്‍ത്തകര്‍ക്കെതിരായ സൈബര്‍ ആക്രമണത്തെക്കുറിച്ച് അന്വേഷണം നടത്തിയ തിരുവനന്തപുരം റെയ്ഞ്ച് ഡി.ഐ.ജി സഞജ്‌യ് കുമാര്‍ ഗുരുഡിനാണ് ഡി.ജി.പിക്ക് റിപ്പോര്‍ട്ട് നല്‍കിയത്. സൈബര്‍ പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്. വേഗത്തില്‍ തന്നെ തുടര്‍നടപടികള്‍ സ്വീകരിക്കുമെന്നും ഡി.ഐ.ജി കൈമാറിയ റിപ്പോര്‍ട്ടില്‍ പറയുന്നു.
സംഭവത്തില്‍ അന്വേഷണം നടത്താന്‍ ഡിജിപി സഞജ്‌യ് കുമാര്‍ ഗുരുഡിനെയാണ് ചുമതലപ്പെടുത്തിയിരുന്നത്. 24 മണിക്കൂറിനുള്ളില്‍ പ്രാഥമിക റിപ്പോര്‍ട്ട് സമര്‍പ്പിക്കാനും ആവശ്യപ്പെട്ടിരുന്നു.