വൈക്കം: ആരോഗ്യ ഇന്‍ഷുറന്‍സ് പദ്ധതിയുമായി ബന്ധപ്പെട്ട് നഗരസഭ പരിധിയിലുള്ള ഗുണഭോക്താക്കള്‍ക്ക് സ്മാര്‍ട്ട് കാര്‍ഡ് പുതുക്കുന്നതിനും പുതിയ കാര്‍ഡ് ലഭിക്കുന്നതിനുമുള്ള അവസാന ക്യാംപ് നാളെ മുതല്‍ നാല് വരെ ഗവണ്‍മെന്റ് ഗേള്‍സ് ഹയര്‍ സെക്കന്ററി സ്‌ക്കൂളില്‍ നടക്കും.
 2016ല്‍ സ്മാര്‍ട്ട് കാര്‍ഡ് ലഭിച്ചവരും ഇതുവരെ കാര്‍ഡ് പുതുക്കാത്തവരുമായ കുടുംബങ്ങള്‍ റേഷന്‍ കാര്‍ഡ് സഹിതം എത്തി കാര്‍ഡ് പുതുക്കണം, പുതുതായി കാര്‍ഡ് ലഭിക്കുന്നതിന് രജിസ്‌ട്രേഷന്‍ സ്ലിപ്പ്, റേഷന്‍കാര്‍ഡ് എന്നിവ സഹിതം മുഴുവന്‍ കുടുംബാംഗങ്ങളുമായി ക്യാംപില്‍ എത്തിച്ചേരണം.
കാര്‍ഡ് പുതുക്കാത്തവര്‍ക്ക് 2017-18 വര്‍ഷത്തില്‍ ആശുപത്രികളില്‍ സൗജന്യ ചികിത്സയ്ക്ക് അര്‍ഹതയുണ്ടായിരിക്കുന്നതല്ലെന്ന് സെക്രട്ടറി അറിയിച്ചു.