ചെറുതുരുത്തി: കാട്ടുപന്നിയെ കുരുക്കിട്ട് പിടിച്ച് ഇറച്ചിയാക്കി വില്‍പന നടത്തിയ കേസില്‍ യുവാവിനെ പൂങ്ങോട് ഫോറസ്റ്റ് സ്റ്റേഷന്‍ ഡെപ്യൂട്ടി റെയ്ഞ്ചര്‍ ടി.സജീവിന്റെ നേതൃത്വത്തിലുള്ള സംഘം പിടികൂടി.
 ചെറുതുരുത്തി പന്നിയടി സ്വദേശി കാരാഞ്ചേരി രാമന്‍കുട്ടി(49)യാണ് പിടിയിലായത്. വേട്ടയാടിയ പന്നിയുടെ ഇറച്ചിയും പിടിച്ചെടുത്തു.
കൂട്ടുപ്രതികളായ രണ്ട് പേര്‍ക്ക് വേണ്ടി അന്വേഷണം ഊര്‍ജിതമാക്കിയതായി വനപാലകര്‍ അറിയിച്ചു.
കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
ഫോറസ്റ്റ് ഓഫിസര്‍മാരായ ജോഷി, രാജീവ്, എന്‍.എ സാബു, സി.ജെ ജെയിംസ് എന്നിവരടങ്ങിയ സംഘമാണ് പ്രതിയെ പിടികൂടിയത്.