കാലടി: ശ്രീ ശങ്കരാചാര്യ സംസ്‌കൃത സര്‍വകലാശാലയും കാലടി ഗ്രാമപഞ്ചായത്തും സംയുക്തമായി സംഘടിപ്പിച്ച ശ്രീ ശങ്കരജയന്തി ആഘോഷങ്ങള്‍ സമാപിച്ചു.
സമാപനദിവസമായ ഇന്നലെ അക്കാഡമിക് ബ്ലോക്ക് സെമിനാര്‍ ഹാളില്‍ ശ്രീ ശങ്കരവാര്‍ഷിക പ്രഭാഷണം നടന്നു. ഡല്‍ഹി യൂണിവേഴ്‌സിറ്റി ഫിലോസഫി വിഭാഗം സീനിയര്‍ പ്രൊഫസര്‍ കാഞ്ചന നടരാജന്‍ ശ്രീ ശങ്കരവാര്‍ഷിക പ്രഭാഷണം നിര്‍വഹിച്ചുവൈസ് ചാന്‍സിലര്‍ ഡോ. എം.സി ദിലീപ്കുമാര്‍ അധ്യക്ഷത വഹിച്ചു.
കാലടി ഗ്രാമപഞ്ചായത്ത് പ്രസിഡന്റ് കെ. തുളസി, പ്രോ വൈസ് ചാന്‍സിലര്‍ ഡോ. ധര്‍മ്മരാജ് അടാട്ട്, സിന്‍ഡിക്കേറ്റ് അംഗം പ്രൊഫ. എസ് മോഹന്‍ദാസ്, ഫിനാന്‍സ് ഓഫിസര്‍ ടി.എല്‍ സുശീലന്‍, ശങ്കരജയന്തി പ്രോഗ്രാം കമ്മിറ്റി ചെയര്‍പേഴ്‌സണ്‍ ഡോ. ബി ചന്ദ്രിക, പ്രോഗ്രാം കമ്മിറ്റി കണ്‍വീനര്‍ ഡോ. കെ യമുന, പ്രോഗ്രാം കമ്മിറ്റി ജനറല്‍ കണ്‍വീനര്‍ പ്രൊഫ. എസ്. മണിമോഹനന്‍ എന്നിവര്‍ സംബന്ധിച്ചു. തുടര്‍ന്ന് സംഗീത കച്ചേരി, നൃത്തവിദ്യാര്‍ഥിനികളുടെ അരങ്ങേറ്റം. നാടകാവതരണം തുടങ്ങിയവ നടന്നു.