പാനൂര്‍: തെരഞ്ഞെടുപ്പില്‍ കോണ്‍ഗ്രസ് ദയനീയമായി പരാജയപ്പെടുമെന്നും 2004 ആവര്‍ത്തിക്കുമെന്നും മുഖ്യമന്ത്രി പിണറായി വിജയന്‍. എല്‍.ഡി.എഫ് വടകര പാര്‍ലമെന്റ് സ്ഥാനാര്‍ഥി പി. ജയരാജന്റെ തെരഞ്ഞെടുപ്പ് പ്രചാരണാര്‍ഥം പാനൂരില്‍ സംഘടിപ്പിച്ച പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം.
രാജ്യത്തെ അവസാന തെരഞ്ഞെടുപ്പാക്കാക്കാനാണ് ആര്‍.എസ്.എസ് ശ്രമിക്കുന്നത്. മന്‍മോഹന്‍ സിങിന്റെ ഭരണമുണ്ടാക്കിയ ദുരിതം മോദി തുടരുകയാണുണ്ടായത്. കോണ്‍ഗ്രസ് വര്‍ഗീയതയുമായി സമരപ്പെട്ടാണ് തെരഞ്ഞെടുപ്പിനെ നേരിടുന്നതെന്നും മുഖ്യമന്ത്രി വ്യക്തമാക്കി. മുന്‍മന്ത്രി കെ.പി മോഹനന്‍ അധ്യക്ഷനായി. മന്ത്രി കെ.കെ ശൈലജ, പാട്യം രാജന്‍, എ. പ്രദീപന്‍, കെ. ആലിക്കുട്ടി, കെ. മുകുന്ദന്‍, വി.പി ചന്ദ്രന്‍, കെ.പി കണ്ണന്‍, പി. പ്രഭാകരന്‍, കെ. ലീല, കെ.കെ പവിത്രന്‍ സംസാരിച്ചു.