കൂത്തുപറമ്പ്: ദുരൂഹ സാഹചര്യത്തില്‍ മരണപ്പെട്ട നിലയില്‍ കണ്ടെത്തിയ മാങ്ങാട്ടിടം പഞ്ചായത്ത് ഓഫിസ് പരിസരത്തെ പുത്തമ്പുര രാജന്റെ മരണം കൊലപാതകമാണെന്നു പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമായിട്ടും പ്രതികളെ അറസ്റ്റുചെയ്യാത്തതു ദുരൂഹമാണെന്നും പ്രതികളെ ഉടന്‍ അറസ്റ്റുചെയ്യണമെന്നും യൂത്ത് കോണ്‍ഗ്രസ് മട്ടന്നൂര്‍ നിയോജക മണ്ഡലം പ്രസിഡന്റ് വിനീഷ് ചുള്ളിയാന്‍ ആവശ്യപ്പെട്ടു.
ചിലരെ പൊലിസ് കസ്റ്റഡിയില്‍ എടുത്തിരുന്നുവെങ്കിലും പിന്നീടു വിട്ടയക്കുകയായിരുന്നു. മൃതശരീരം കൊണ്ടുപോകാന്‍ ഉപയോഗിച്ചുവെന്നു കരുതുന്ന വാഹനം ഇപ്പോഴും പൊലിസ് കസ്റ്റഡിയിലാണ്. എന്നിട്ടും അറസ്റ്റുനടക്കാത്തതു പൊലിസിന്റെ വീഴ്ചയാണ്. കേരളത്തില്‍ അങ്ങോളമിങ്ങോളം കണ്ടുവരുന്ന പൊലിസ് അനാസ്ഥയുടെ മറ്റൊരു ഉദാഹരണമാണിതെന്നും അദ്ദേഹം പറഞ്ഞു.