തിരുവനന്തപുരം: ശബരിമല വിഷയത്തില്‍ പ്രധാനമന്ത്രി നരേന്ദ്രമോദിയുടേത് മുതലക്കണ്ണീരാണെന്ന് പ്രതിപക്ഷ നേതാവ് രമേശ് ചെന്നിത്തല.
ശബരിമലയുടെ വിഷയത്തിലോ വിശ്വാസികളുടെ കാര്യത്തിലോ ഇത്ര ശുഷ്‌ക്കാന്തി ഉണ്ടായിരുന്നുവെങ്കില്‍ കേന്ദ്ര സര്‍ക്കിരിന് ഒരു ഓര്‍ഡിനന്‍സ് കൊണ്ടുവന്നാല്‍ പോരായിരുന്നോ? എന്തുകൊണ്ടു കൊണ്ടുവന്നില്ലെന്ന് അദ്ദേഹം ചോദിച്ചു.

സുപ്രിം കോടതിയില്‍ റിവ്യൂ ഹരജി കൊടുക്കാനും ഇവര്‍ തയ്യാറായോ? ഭരണഘടന ഭേദഗതി ചെയ്യാന്‍ തയ്യാറാകാതിരുന്നതെന്തുകൊണ്ടാണ്. ചെന്നിത്തല ചോദിച്ചു.
ഇതൊന്നും ചെയ്യാതെ ഇപ്പോള്‍ എല്ലാം ചെയ്യുന്നു എന്നു പറയുന്നതും ഇനി എല്ലാം ചെയ്യുമെന്നു പ്രഖ്യാപിക്കുന്നതും ജനങ്ങളെ കബളിപ്പിക്കാനും വോട്ടുതട്ടാനുമാണെന്നും അദ്ദേഹം പറഞ്ഞു.