കൊല്ലം: ഇ പോസ് മെഷിനിലെ തകരാറിനെ തുടര്‍ന്ന് സംസ്ഥാനത്തെ റേഷന്‍ കടകള്‍ വഴിയുള്ള ഓണക്കിറ്റ് വിതരണം താറുമാറായി.
ഇതോടെ റേഷന്‍ വിതരണം പലയിടത്തും തടസപ്പെട്ടു. സംഭവത്തില്‍ അടിയന്തിര നടപടി ആവശ്യപ്പെട്ട് സമരത്തിനൊരുങ്ങുകയാണ് റേഷന്‍ വ്യാപാരികള്‍.
സമരത്തിന്റെ മുന്നോടിയായി സംസ്ഥാനത്തെ റേഷന്‍ കടകള്‍ ബുധനാഴ്ച അടച്ചിടാനുള്ള നീക്കവുമുണ്ട്.
റേഷന്‍ വിതരണത്തിനു ഉപയോഗിക്കുന്ന ഇ പോസ് സംവിധാനം കഴിഞ്ഞ ഒരാഴ്ച്ചയിലധികമായി തകരാറിലാണ്. വിവിധ മൊബൈല്‍ സേവന ദാതാക്കളുടെ നെറ്റ്‌വര്‍ക്ക് പ്രശ്‌നങ്ങളാണ് ഇ പോസ് നിശ്ചലമാക്കുന്നത്.