ലണ്ടന്‍: മുന്‍ മാഞ്ചസ്റ്റര്‍ യുനൈറ്റഡ് താരവും നിലവില്‍ ഹള്‍ സിറ്റിയുടെ പരിശീലകനുമായ സ്റ്റീവ് ബ്രുസ് ഇംഗ്ലണ്ട് ഫുട്‌ബോള്‍ ടീം പരിശീലക സ്ഥാനം സംബന്ധിച്ച് അസോസിയേഷനുമായി അനൗദ്യോഗിക ചര്‍ച്ചകള്‍ നടത്തി. ഹള്‍ സിറ്റി അധികൃതര്‍ തന്നെയാണ് ഇക്കാര്യം വെളിപ്പെടുത്തിയത്. നേരത്തെ സണ്ടര്‍ലന്‍ഡ് കോച്ച് സാം അല്ലാര്‍ഡിസ് ഇംഗ്ലീഷ് പരിശീലകനായേക്കുമെന്നു അഭ്യൂഹങ്ങളുണ്ടായിരുന്നു.

ഇതിനു പിന്നാലെയാണ് ഇപ്പോള്‍ ബ്രുസിന്റെ പേരും പറഞ്ഞു കേള്‍ക്കുന്നത്. ബേണ്‍മൗത്ത് പരിശീലകന്‍ എഡ്ഡി ഹോവ്, യു.എസ്.എ കോച്ച് യുര്‍ഗന്‍ ക്ലിന്‍സ്മാന്‍ തുടങ്ങിയവരേയും ഇംഗ്ലീഷ് പരിശീക സ്ഥാനത്തേക്ക് പരിഗണിക്കുന്നതായി റിപ്പോര്‍ട്ടുകളുണ്ടായിരുന്നു.