ചെര്‍ക്കള: തേനീച്ചയെ ഭയന്നാണിവിടെ ദിവസവും വിദ്യാര്‍ഥികള്‍ പഠനം നടത്തുന്നത്. ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥികളാണ് തേനീച്ച കൂടുകൂട്ടിയതിനെ തുടര്‍ന്ന് ഭീതിയിലായിരിക്കുന്നത്. ഇന്നലെ രാവിലെ കൂടുകൂട്ടിയ തേനീച്ചകള്‍ കാരണത്താല്‍ ഏഴാം ക്ലാസിലെ വിദ്യാര്‍ഥികളെ മറ്റൊരിടത്തേക്ക് മാറ്റിയിരിക്കുകയാണ്. അതേസമയം ഇവകളെ തുരത്താന്‍ വഴികളന്വേഷിക്കുകയാണ് സ്‌കൂള്‍ അധികൃതര്‍.
സ്‌കൂളിലെ ഏഴാം ക്ലാസിലെ മൂന്നു ഡിവിഷനുകള്‍ പ്രവര്‍ത്തിക്കുന്ന കെട്ടിടത്തിലാണ് ഇന്നലെ രാവിലെ തേനീച്ചകള്‍ കൂടുകുട്ടിയത്. വിദ്യാര്‍ഥികള്‍ കണ്ടതിനെ തുടര്‍ന്ന് അധ്യാപകരെ അറിയിക്കുകയായിരുന്നു. അധ്യാപകര്‍ ഉടനെ വിദ്യാര്‍ഥികളെ ക്ലാസ് മുറിയില്‍ നിന്ന് മാറ്റി.


.