ചാരുംമൂട്: ഇരുണ്ട കാലഘട്ടത്തിലേക്കാണ് നരേന്ദ്ര മോദി രാജ്യത്തെ നയിക്കുന്നതെന്ന് കെ.പി.സി.സി മുന്‍ അധ്യക്ഷന്‍ വി.എം.സുധീരന്‍. കൊടിക്കുന്നില്‍ സുരേഷിന്റെ തെരഞ്ഞെടുപ്പ് പ്രചരണാര്‍ത്ഥം യു.ഡി.എഫ് താമരക്കുളം കമ്മിറ്റി സംഘടിപ്പിച്ച പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സംഘപരിവാറിന്റെ കല്പന മറ്റുള്ളര്‍ അനുസരിക്കണമെന്ന മനോഭാവം ജനാധിപത്യത്തിനും മതേതരത്വത്തിനും എതിരാണ്. ഇഷ്ടമില്ലാത്തവരെ രാഷ്ട്രീയമായി വകവരുത്തുന്ന രീതിയാണ് നടന്നു വരുന്നത്. സ്ത്രീകള്‍ക്കും കുട്ടികള്‍ക്കും നേരെയുള്ള അതിക്രമങ്ങള്‍ കേരളത്തില്‍ പെരുകുകയാണെന്നും അദ്ദേഹം പറഞ്ഞു. പി. ഷാഹുല്‍ ഹമീദ് റാവുത്തര്‍ അധ്യക്ഷത വഹിച്ചു. കെ.പി.സി.സി സെക്രട്ടറി കെ.പി.ശ്രീകമാര്‍, കെ.കെ.ഷാജു, കെ.ആര്‍.മുരളീധരന്‍, എം.ആര്‍.രാമചന്ദ്രന്‍, എം.അമൃതേശ്വരന്‍, കെ. ഫസല്‍ അലിഖാന്‍.ജി.വേണു, ബി.രാജലക്ഷ്മി, പി.ബി.ഹരികുമാര്‍ തുടങ്ങിയവര്‍ പ്രസംഗിച്ചു.