തൊടുപുഴ:  ധനമന്ത്രി ഡോ. തോമസ് ഐസക്കിന്റെ വ്യാപാരികളോടുള്ള സമീപനത്തെ  സ്വാഗതം ചെയ്യുന്നതായി സമിതി സംസ്ഥാന വൈസ് പ്രസിഡന്റ് മാരിയില്‍  കൃഷ്ണന്‍ നായര്‍ പറഞ്ഞു. തിരുവനന്തപുരത്ത് സമിതി നേതാക്കള്‍ മൂന്നുമണിക്കൂര്‍  നീണ്ട ചര്‍ച്ച നടത്തിയതായും  കൃഷ്ണന്‍ നായര്‍  തൊടുപുഴയില്‍ മാധ്യമ പ്രവര്‍ത്തകരോട് പറഞ്ഞു.
പഴയ കുറ്റങ്ങളും  കുറവുകളും മറക്കാനും വ്യാപരികള്‍ക്ക് ബുദ്ധിമുട്ടില്ലാത്ത നിലയ്ക്കു  പരമാവധി നികുതി സമാഹരിക്കാനുള്ള സര്‍ക്കാര്‍ ശ്രമത്തിന് പിന്തുണ  നല്‍കണമെന്നുള്ള മന്ത്രിയുടെ അഭ്യര്‍ഥനയ്ക്ക് വ്യാപാരി വ്യവസായി ഏകോപന  സമിതി പൂര്‍ണ പിന്തുണ വാഗ്ദാനം ചെയ്തു. ഉദ്യോഗസ്ഥരും വ്യാപാരികളും തമ്മിലുള്ള  തര്‍ക്കം അവസാനിപ്പിക്കാന്‍ നടപടി സ്വീകരിക്കുമെന്നും തോമസ് ഐസക് ഉറപ്പ്  നല്‍കിയതായി കൃഷ്ണന്‍ നായര്‍ പറഞ്ഞു.