ചെറുവത്തൂര്‍(കാസര്‍കോട്): സംസ്ഥാനത്തെ സര്‍ക്കാര്‍ വിദ്യാലയങ്ങളില്‍ എല്‍.പി, യു.പി വിഭാഗങ്ങളില്‍ അധ്യാപകരെ തിരഞ്ഞെടുക്കുന്നതിനുള്ള എല്‍.പി.എസ്.ടി , യു.പി.എസ്.ടി പരീക്ഷാ തിയതികള്‍ പി.എസ്.സി പ്രഖ്യാപിച്ചു.
യു.പി.എസ്.ടി പരീക്ഷ നവംബര്‍ 7 നും, എല്‍.പി.എസ്.ടി പരീക്ഷ നവംബര്‍ 24 നും നടക്കും. കൊവിഡ് പശ്ചാത്തലത്തില്‍ പരീക്ഷകള്‍ അനന്തമായി നീളുമോയെന്ന ആശങ്കകള്‍ ഉയരുന്നതിനിടയിലാണ് പി.എസ് സി പരീക്ഷാ തിയതി പ്രഖ്യാപിച്ചത്.
അപേക്ഷകര്‍ ഓഗസ്റ്റ് 23 നും സെപ്റ്റംബര്‍ 11 നും ഇടയില്‍ പ്രൊഫൈലില്‍ കണ്‍ഫര്‍മേഷന്‍ നല്‍കണം. ഒക്ടോബര്‍ 23 മുതല്‍ ഹാള്‍ ടിക്കറ്റുകള്‍ ലഭ്യമാക്കും. അപേക്ഷകരുടെ എണ്ണം മുന്‍ വര്‍ഷത്തെ അപേക്ഷിച്ച് ഗണ്യമായി കുറഞ്ഞു എന്നതാണ് നടക്കാനിരിക്കുന്ന പരീക്ഷയുടെ പ്രത്യേകത. ടെറ്റ് യോഗ്യത നിര്‍ബന്ധമാക്കിയതാണ് അപേക്ഷകര്‍ കുറയാന്‍ കാരണമായത്.