കൊല്ലം: തന്നെയും കോണ്‍ഗ്രസ് പ്രവര്‍ത്തകരെയും തമ്മില്‍ തെറ്റിക്കാന്‍ സി.പി.എം ശ്രമിക്കുന്നുവെന്ന ആരോപണവുമായി കൊല്ലം ലോക്‌സഭാ മണ്ഡലം യു.ഡി.എഫ് സ്ഥാനാര്‍ഥി എന്‍.കെ പ്രേമചന്ദ്രന്‍. ഫെയ്‌സ്ബുക്കില്‍ പോസ്റ്റ് ചെയ്ത വിഡിയോയിലൂടെയാണ് എന്‍.കെ പ്രേമചന്ദ്രന്‍ ആരോപണമുന്നയിച്ചത്. കൊല്ലം മണ്ഡലത്തില്‍ തന്റെ പ്രചാരണത്തിന് കോണ്‍ഗ്രസുകാരെ കാണാനില്ലെന്ന മന്ത്രി തോമസ് ഐസകിന്റെ ആരോപണം ശരിയല്ല. ദേശീയ നേതാക്കള്‍ മുതല്‍ ബൂത്ത്തലം വരെയുളള നേതാക്കള്‍ അവരുടെ നേതാക്കന്മാരെക്കാള്‍ തന്നെ നെഞ്ചേറ്റുന്നു.

മണ്ഡലത്തില്‍ ഒരു പ്രവര്‍ത്തകന്‍ പോലും വിഭാഗീയ പ്രവര്‍ത്തനം നടത്തുന്നുവെന്ന പരാതി ലഭിച്ചിട്ടില്ല. ഇക്കാര്യങ്ങള്‍ പരിശോധിക്കാന്‍ ആര്‍.എസ്.പിക്ക് ഒരു ഷാഡോ കമ്മിറ്റിയുണ്ട്. എണ്ണയിട്ട യന്ത്രം പോലെ ചടുലമായാണ് കോണ്‍ഗ്രസുകാര്‍ പ്രവര്‍ത്തിക്കുന്നത്.