മ്യൂണിക്: യുവേഫാ യൂറോപ്പാ ലീഗിന്റെ ഫൈനല്‍ പോരാട്ടം ഇന്ന് കൊളോണില്‍ നടക്കും. ലാലിഗ കരുത്തന്‍മാരായ സെവിയ്യയും ഇറ്റാലിയന്‍ ക്ലബ് ഇന്റര്‍മിലാനും തമ്മിലാണ് കലാശപ്പോരാട്ടം നടക്കുന്നത്. ഇന്ന് രാത്രി 12.30നാണ് മത്സരം. അഞ്ച് തവണ യൂറോപ്പാ ലീഗ് കിരീടം സ്വന്തമാക്കിയ സെവിയ്യ ആറാം കിരീടത്തിന് വേ@ണ്ടിയുള്ള കഠനി ശ്രമത്തിലായിരിക്കും ഇന്ന്. 2015-16 ലായിരുന്നു സെവിയ്യ അവസാനമായി യൂറോപ്പാ ലീഗ് കിരീടം സ്വന്തമാക്കിയത്. അന്ന് ലിവര്‍പൂളിനെ 3-1 എന്ന സ്‌കോറിന് പരാജയപ്പെടുത്തിയായിരുന്നു സെവിയ്യ കിരീടം സ്വന്തമാക്കിയത്. സെമി ഫൈനലില്‍ മാഞ്ചസ്റ്റര്‍ യുനൈറ്റഡിനെ പരാജയപ്പെടുത്തിയായിരുന്നു സെവിയ്യ ഫൈനലില്‍ പ്രവേശിച്ചത്. ക്വാര്‍ട്ടറില്‍ ഇറ്റാലിയന്‍ ക്ലബായ റോമയേയും സെവിയ്യ തകര്‍ത്തിരുന്നു. അതേ സമയം മൂന്ന് തവണ യൂറോപ്പാ ലീഗ് കിരീടം സ്വന്തമാക്കിയ ഇന്റര്‍മിലാന്‍ നാലാം കിരീടത്തിനുള്ള ഒരുക്കത്തിലാണ്. 1997-98 സീസണിലായിരുന്നു ഇന്റര്‍മിലാന്‍ അവസാനമായി യൂറോപ്പാ ലീഗ് കിരീടം സ്വന്തമാക്കിയത്. അന്ന് ഇറ്റാലിയന്‍ ക്ലബായ ലാസിയോയെ തകര്‍ത്തായിരുന്നു ഇന്റര്‍മിലാന്‍ കിരീടം സ്വന്തമാക്കിയത്. ഇരു ടീമുകളും സീസണിലെ ആദ്യ കിരീടത്തിന് വേ@ണ്ടി ശ്രമിക്കുമ്പോള്‍ ഇന്ന് ശക്തമായ പോരാട്ടം തന്നെ കൊളോണ്‍ കാണാന്‍ സാധിക്കും.