കാലിഫോർണിയ: ഇന്നലെ ഉച്ചയോടെയാണ് വാട്‌സാപ്പിന്റെ ചരിത്രത്തില്‍ കരിനിഴല്‍ വീഴ്ത്തി മണിക്കൂറുകളോളം വാട്‌സാപ്പ് നിശ്ചലമായത്. രണ്ടര മണിക്കൂറോളം പണിമുടക്കിയ വാട്‌സാപ്പിന്റെ പ്രവര്‍ത്തനത്തിലെ അപാകതകള്‍ ഇന്നലെ പുലര്‍ച്ചയോടെ പരിഹരിച്ചതായും ഉപഭോക്താക്കള്‍ക്കുണ്ടായ ബുദ്ധിമുട്ടില്‍ ക്ഷമ ചോദിക്കുന്നതായും സുക്കര്‍ബര്‍ബര്‍ഗ് ട്വിറ്ററിലൂടെ അറിയിച്ചു.

ഇന്ത്യയിലെ വിവിധ ഭാഗങ്ങളിലും കാനഡ, യു.എസ്, ബ്രസീല്‍ എന്നിവിടങ്ങളിലുമാണ് വാട്‌സാപ്പ് മണിക്കൂറുകളോളം പണിമുടക്കിയത്. ആന്‍ഡ്രോയ്ഡ്, വിന്‍ഡോസ്, ഐ.ഓ.എസ് എന്നീ പ്ലാറ്റ്‌ഫോമുകളിലെല്ലാം വാട്‌സാപ്പ് പണിമുടക്കിയതോടെ രണ്ടര മണിക്കൂറോളം മറ്റ് മെസേജിങ് ആപ്പുകളിലേക്ക് ആളുകള്‍ ചേക്കേറി. ലോകത്താകമാനം 1.2 ബില്യണ്‍ ഉപഭോക്താക്കളുള്ള വാട്‌സാപ്പ് ഫെയ്‌സ്ബുക്ക് ഏറ്റെടുത്തതിന് ശേഷം ആദ്യമായാണ് സാങ്കേതിക തകരാറുണ്ടാകുന്നത്.