വാഷിങ്ടണ്‍: മികച്ച ഒരു ഫോട്ടോ ജേര്‍ണലിസ്റ്റ് ആവണമെന്നതായിരുന്നു കാമറ കയ്യിലേന്തുമ്പോള്‍ ഹില്‍ഡ ക്ലെയ്റ്റണ്‍ എന്ന വനിത ഫോട്ടോഗ്രാഫറുടെ ആഗ്രഹം. തന്റെ ഓരോ ചിത്രങ്ങളും ഓരോ കഥ പറയണം. ഒടുവില്‍ തന്റെ അവസാന ശ്വാസത്തില്‍ ചെിതറിത്തെറിക്കുന്ന സഹപ്രവര്‍ത്തകരെ കാമറക്കണ്ണില്‍ ആവാഹിച്ച് ആ 22കാരി വിടപറഞ്ഞു. ഒരു ഫോട്ടോ ഗ്രാഫര്‍ ആയിക്കൊണ്ടു തന്നെ.

അഫ്ഗാനിസ്ഥാനില്‍ പരിശിലനത്തിനിടെ മോര്‍ട്ടാര്‍ ട്യൂബ് പൊട്ടിത്തെറിച്ചാണ് ഹില്‍ഡ മരണപ്പെട്ടത്. മരണത്തിന് കീഴടങ്ങുന്നതിന്റെ തൊട്ടു മുന്‍പുള്ള നിമിഷങ്ങളില്‍ അവര്‍ പകര്‍ത്തിയ ചിത്രം അമേരിക്കന്‍ സൈന്യം പുറത്തു വിട്ടിട്ടുണ്ട്. മിലിട്ടറി റിവ്യൂ മാഗസിനിലാണ് ചിത്രങ്ങള്‍ പ്രസിദ്ധീകരിച്ചത്. കുടുംബത്തിന്റെ അനുമതിയൊടെയാണ് ചിത്രങ്ങല്‍ പ്രസിദ്ധീകരിച്ചതെന്ന് ഔദ്യോഗിക വൃത്തങ്ങള്‍ പറഞ്ഞു.

[caption id="attachment_317398" align="aligncenter" width="620"] ഹില്‍ഡ ക്ലെയ്റ്റണ്‍[/caption]

2013 ജൂലൈയിലുണ്ടായ അപകടത്തിലാണ് ഇവര്‍ കൊല്ലപ്പെടുന്നത്. നാല് അഫ്ഗാന്‍ സൈനികരും ഇവരോടൊപ്പം അന്ന് കൊല്ലപ്പെട്ടു.

ഹില്‍ഡയോടുള്ള ആദര സൂചകമായി സൈന്യം ഒരു ഫോട്ടോഗ്രഫി അവാര്‍ഡ് ഏര്‍പെടുത്തിയിട്ടുണ്ട്.