അണ്ടത്തോട്: കേരളം ഭരിക്കുന്ന ഗവണ്‍മെന്റ് നരേന്ദ്ര മോദിയുടെ ജന ന്യൂനപക്ഷ വിരുദ്ധ നയങ്ങള്‍ നടപ്പാക്കുന്ന ഏജന്‍സിയായി മാറിയെന്നും ഒരു വര്‍ഷം പിന്നിടുമ്പോഴും ജനങ്ങള്‍ക്ക് ഒരു പ്രതീക്ഷയും നല്‍കാത്ത സര്‍ക്കാരാണെന്നും മുസ്ലിം ലീഗ് സംസ്ഥാന വൈസ് പ്രസിഡന്റ് സി.മോയിന്‍കുട്ടി പറഞ്ഞു. പുന്നയൂര്‍കുളം പഞ്ചായത്ത് മുസ്‌ലിം ലീഗ് സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുസ്ലിം ലീഗ് പഞ്ചായത്ത് പ്രസിഡന്റ് അഷ്‌റഫ് ചാലില്‍ അധ്യക്ഷനായി. യൂത്ത് ലീഗ് അഖിലേന്ത്യാ കമ്മിറ്റിയംഗം ശിബു മീരാന്‍ പെരുമ്പാവൂര്‍ മുഖ്യ പ്രഭാഷണം നടത്തി. മുഹമ്മദ് നഈം പരപ്പനങ്ങാടി, മുസ്‌ലിം ലീഗ് ജില്ലാ പ്രസിഡന്റ് സി.എച്ച് റഷീദ്, സംസ്ഥാന സമിതിയംഗം എം.സി അബ്ദു, വി.കെ മുഹമദ്, എ.കെ മൊയതുണ്ണി, കെ.എച്ച് ആബിദ്, സി.എം ഗഫൂര്‍, പി.കെ സക്കരിയ്യ, കെ.എം ബാദുഷ, ഷംനാദ് പള്ളിപ്പാട് തുടങ്ങിയവര്‍ സംസാരിച്ചു. വി.കെ യൂസഫ് സ്വാഗതവും, ഹൈദ്രു ഹാജി നന്ദിയും പറഞ്ഞു.