കാഞ്ഞങ്ങാട്: കേരളത്തിലെ കെ.എസ്.ആര്‍.ടി.സി തൊഴിലാളികളോടു സര്‍ക്കാര്‍ കാണിക്കുന്ന ചിറ്റമ്മ നയം അവസാനിപ്പിക്കണമെന്ന് കേരള ജനപക്ഷം കാസര്‍കോട് ജില്ലാ കമ്മിറ്റി ആവശ്യപ്പെട്ടു.
നിലവിലുള്ള ഡ്യൂട്ടി പാറ്റേണ്‍ തുടരണമെന്നും സമരത്തിന്റെ പേരില്‍ പിരിച്ച് വിട്ട തൊഴിലാളികളെ തിരിച്ചെടുക്കണമെന്നും ഇവര്‍ പറഞ്ഞു. അമ്പതിനായിരത്തിന് മേല്‍ ശമ്പളം വാങ്ങുന്ന ഉദ്യോഗസ്ഥരുടെ എണ്ണം ഡിപ്പോയില്‍ മൂന്നായി പരിമിതപ്പെടുത്തണമെന്നും ഇന്‍സ്‌പെക്ടര്‍ തസ്തിക ഡിപ്പോയില്‍ രണ്ടായി പരിമിതപ്പെടുത്തണമെന്നും ഇവര്‍ ആവശ്യപ്പെട്ടു. കാഞ്ഞങ്ങാട് ചേര്‍ന്ന ജില്ലാ കമ്മിറ്റി യോഗത്തില്‍ ജില്ലാ പ്രസിഡന്റ് റോബിന്‍ മൈലാടൂര്‍ അധ്യക്ഷനായി. ജില്ലാ കണ്‍വീനര്‍ വിനോദ് ജോസഫ് പ്രമേയം അവതരിപ്പിച്ചു. നിയോജക മണ്ഡലം കണ്‍വീനര്‍മാരായ ബേബി കൊല്ലക്കൊമ്പില്‍, സി. രഘു അട്ടേങ്ങാനം, ജീവോ കാഞ്ഞിരക്കാട്ട്, ജിനു പ്ലാക്കുടിയില്‍, ഷാജി പാപ്പച്ചന്‍ പെര്‍ള, വനിതാ ജനപക്ഷം കണ്‍വീനര്‍ ഷിജി അഗസ്റ്റിന്‍, ജോ.കണ്‍വീനര്‍ എം.വി ഇന്ദുലേഖ, ലൂക്കോസ് കരിഞ്ഞാട്ട് എന്നിവര്‍ സംസാരിച്ചു.
മഞ്ചേശ്വരം, കാസര്‍കോട് നിയോജക മണ്ഡലം പ്രവര്‍ത്തക യോഗങ്ങള്‍ ഈ മാസം ഒന്‍പതിനും കാഞ്ഞങ്ങാട്, ഉദുമ നിയോജക മണ്ഡലം പ്രവര്‍ത്തക യോഗങ്ങള്‍ 14നും ചേരുമെന്ന് ഇവര്‍ അറിയിച്ചു.