തൃശൂര്‍: തൃശൂര്‍ ജില്ലയില്‍ സമ്മതിദാനാവകാശം വിനിയോഗിക്കുന്നവര്‍ക്ക് സമ്മാനമൊരുക്കി ജില്ലാ തെരഞ്ഞെടുപ്പു വിഭാഗത്തിലെ സ്വീപ് പ്രവര്‍ത്തകര്‍.
ജില്ലയിലെങ്ങും വോട്ടര്‍മാര്‍ക്ക്് അതത് പോളിങ് ബൂത്തുകള്‍ക്ക് മുന്നില്‍ വയ്ക്കുന്ന സമ്മാനപ്പെട്ടിയില്‍ ബി.എല്‍.ഒമാര്‍ നല്‍കുന്ന വോട്ടേഴ്‌സ് സ്ലിപ്പ് നിക്ഷേപിക്കാം. വോട്ടെടുപ്പ് കഴിഞ്ഞ് നറുക്കെടുപ്പ് നടത്തും. നറുക്കു വീഴുന്നവര്‍ക്ക് മികച്ച സമ്മാനം നല്‍കും.
ഇതോടൊപ്പം ജില്ലയിലെ 13 നിയമസഭാ നിയോജകമണ്ഡല കേന്ദ്രങ്ങളിലെയും ഒരു മാതൃകാബൂത്തില്‍ വോട്ടര്‍മാര്‍ക്കായി സെല്‍ഫി എടുക്കാനുള്ള സൗകര്യവും സ്വീപ് തയാറാക്കിയിട്ടുണ്ട്. ഇവിടെ നിന്ന് വോട്ടര്‍മാര്‍ക്ക് സെല്‍ഫിയെടുക്കാം.