ന്യൂഡല്‍ഹി: പട്ടം പറത്തുന്ന നൂല്‍ കഴുത്തില്‍ കുടുങ്ങി തെരഞ്ഞെടുപ്പ് ഉദ്യോഗസ്ഥന് ഗുരുതര പരുക്ക്. ഡല്‍ഹി തെരഞ്ഞെടുപ്പ് കമ്മിഷന്‍ ഓഫിസിലെ അസിസ്റ്റന്റ് പ്രോഗ്രാം ഓഫിസര്‍ രജനീഷ് സിങ്ങിനാണ് പരുക്കേറ്റത്.

ബൈക്കില്‍ സഞ്ചരിക്കുകയായിരുന്ന ഇയാളുടെ കഴുത്തില്‍ നൂല്‍ കുടുങ്ങുകയായിരുന്നു. ഈവര്‍ഷം ഡല്‍ഹിയിലുണ്ടാകുന്ന രണ്ടാമത്തെ സമാന സംഭവമാണിത്. കഴിഞ്ഞ രണ്ടാം തിയതി ബൈക്ക് യാത്രികനായ 18കാരന് ഇതേരീതിയില്‍ കഴുത്തില്‍ നൂല്‍ കുടുങ്ങി ശ്വാസനാളം മുറിഞ്ഞ് മരിച്ചിരുന്നു. രജനീഷ് സിങ്ങിന്റെ കഴുത്തില്‍ 31 തുന്നലുകളുണ്ടെന്നും ഇയാള്‍ ഗുരുതരാവസ്ഥയിലാണെന്നും പൊലിസ് അറിയിച്ചു.