തേഞ്ഞിപ്പലം: റോഡിലെ വേഗത്തട കണ്ട് സഡന്‍ ബ്രേക്കിട്ടത് വിനയായി.  റോഡില്‍ സ്ലിപ്പായ ലോറി നിയന്ത്രണം വിട്ട് റോഡരികിലെ ഏഴടിയോളം ആഴംവരുന്ന താഴ്ചയിലേക്ക് പതിച്ചു. ദേശീയപാത പാണമ്പ്ര വളവില്‍ കോഹിനൂരിനും പാണമ്പ്രയ്ക്കുമിടയില്‍ കൂട്ട ഹംബുകളുള്ള ഭാഗത്ത് ചൊവ്വാഴ്ച പുലര്‍ച്ചെയാണ് അപകടം. കോഴിക്കോട്ട് നിന്നും പെരുമ്പാവൂരിലേക്ക് പോകുകയായിരുന്ന ലോറിയാണ് അപകടത്തില്‍പെട്ടത്.
കോഴിക്കോട്ട് നിന്നും ചരക്ക് ഇറക്കി മടങ്ങവേയാണ് അപകടമുണ്ടായത്. ഡ്രൈവര്‍ പരുക്കേല്‍ക്കാതെ രക്ഷപ്പെട്ടു.