തൃക്കരിപ്പൂര്‍: 'വിദ്യാര്‍ഥിത്വം ഉയര്‍ത്തുക' എന്ന പ്രമേയത്തില്‍ ജൂലൈ 30,31 തിയതികളിലായി കണ്ണൂരില്‍ നടക്കുന്ന എം.എസ്.എഫ് സംസ്ഥാന സമ്മേളന പ്രചരണാര്‍ഥം തൃക്കരിപ്പൂര്‍ നിയോജക മണ്ഡലം കമ്മിറ്റി സ്‌പെഷല്‍ കണ്‍വന്‍ഷനും വിദേശത്തേക്കു പോവുന്ന മണ്ഡലം പ്രസിഡന്റ് നൗഷാദ് ചന്തേരയ്ക്കുള്ള യാത്രയയപ്പും സംഘടിപ്പിച്ചു.
തൃക്കരിപ്പൂര്‍ ബാഫഖി സൗധത്തില്‍ നടന്ന ചടങ്ങ് മണ്ഡലം മുസ്‌ലിം ലീഗ് വൈസ് പ്രസിഡന്റ് അഡ്വ.എം.ടി.പി. കരീം ഉദ്ഘാടനം ചെയ്തു. വൈസ് പ്രസിഡന്റ് അസ്ഹറുദ്ദീന്‍ മണിയനോടി അധ്യക്ഷനായി.
എം.എസ്.എഫ്. ജില്ലാ സെക്രട്ടറി ജാബിര്‍ തങ്കയം, മണ്ഡലം ജോ.സെക്രട്ടറി മഹ്‌റൂഫ് ചീമേനി, സയ്യിദ് ആഷിഖ് തങ്ങള്‍, അക്ബര്‍ സാദത്ത്, സഫ്‌വാന്‍ പാണ്ട്യാല, മഷൂദ് തലിച്ചാലം, ഇജാസ് കൈതക്കാട് , അസ് ഹറുദ്ദീന്‍ ബീരിച്ചേരി, അനസ് പി.വി, സജാദ് പെരിയോത്ത്, റമീസ് ഉദിനൂര്‍, മുസ്താഖ് പടന്നക്കടപ്പുറം, അസ് ഹറൂദ്ദീന്‍ ഒളവറ സംബന്ധിച്ചു.
യാത്രയയപ്പിനു മണ്ഡലം പ്രസിഡന്റ് നൗഷാദ് ചന്തേര നന്ദി പറഞ്ഞു. വൈസ് പ്രസിഡന്റ് അസ്ഹറുദ്ദീന്‍ മണിയനോടിയെ ആക്ടിംഗ് പ്രസിഡന്റായി നിയമിച്ചു.
മണ്ഡലം ജന.സെക്രട്ടറി ടി.വി കുഞ്ഞബ്ദുള്ള ബീരിച്ചേരി സ്വാഗതവും ജോയിന്റ് സെക്രട്ടറി മുബഷിര്‍ പെരുമ്പട്ട നന്ദിയും പറഞ്ഞു.