കാളികാവ്: കാട്ടാനയുടെ ചവിട്ടേറ്റ് അന്യ സംസ്ഥാന തൊഴിലാളി മരിച്ചു. തോട്ടം തൊഴിലാളിയായ ജാര്‍ഖണ്ഡ് സ്വദേശി മഹേഷ്(39) ആണ് ആനയുടെ ചവിട്ടേറ്റ് മരിച്ചത്. 

മലപ്പുറം ജില്ലയിലെ ചോക്കാട് നാല്‍പ്പത് സെന്റ് ഗിരിജന്‍ കോളനിയോട് ചേന്നുള്ള കോട്ടമ്മല്‍ മുഹമ്മദ് ബഷീറിന്റെ ഉടമസ്ഥതയിലുള്ള വാഴത്തോട്ടത്തിലെ ജോലിക്കാരനായിരുന്നു മഹേഷ്. നായയുടെ ശബ്ദം കേട്ട് ഷെഡില്‍ നിന്ന് പുറത്തേക്കിറങ്ങിയ മഹേഷിനെ ആന ആക്രമിക്കുകയായിരുന്നു.
ജാര്‍ഖണ്ഡിലെ ലോഹര്‍ ദാഖ ജില്ലയിലെ ഒറാവോണ്‍ ഹിര്‍ഹം സ്വദേശിയായ മഹേഷ് മൂന്ന് വര്‍ഷം മുമ്പാണ് ചോക്കാട് നാല്‍പത് സെല്‍ ജോലിക്കെത്തിയത്.
മഞ്ചേരി മെഡിക്കല്‍ കോളേജില്‍ നിന്ന് പോസ്റ്റ്‌മോര്‍ട്ടത്തിന് ശേഷം മൃതദേഹം നാട്ടിലേക്ക് കൊണ്ടു പോകും.