തിരുവനന്തപുരം: സെക്രട്ടേറിയറ്റിലുണ്ടായ തീപിടുത്ത പ്രതിപക്ഷ ആസൂത്രണമാണെന്ന ആരോപണവുമായി മന്ത്രി ഇ.പി ജയരാജന്‍. യു.ഡി.എഫും ബി.ജെ.പിയും പരസ്പരം ആലോചിച്ച് അക്രമം അഴിച്ചുവിടാനുള്ള പ്രവര്‍ത്തനങ്ങളില്‍ ഏര്‍പ്പെടുകയാണെന്നും അദ്ദേഹം ആരോപിച്ചു.

സ്വാഭാവികമായി നടക്കുന്ന സംഭവത്തില്‍ ഇവര്‍ നേരത്തെ തന്നെ സ്ഥലത്തെത്തിയതിനാല്‍ അവര്‍ക്കിതില്‍ പങ്കാളിത്തമുണ്ടോ എന്ന് സംശയിക്കണം. ഇത് ബോധപൂര്‍വ്വം യു.ഡി.എഫ്, ബി.ജെ.പി നേതാക്കള്‍ പ്ലാന്‍ ചെയ്ത് നടത്തുന്നതാണ്. സെക്രട്ടേറിയറ്റിനകത്ത് എപ്പോഴെങ്കിലും ഏതെങ്കിലും ഒരു നേതാവ് ആളുകളേയും കൂട്ടിവന്ന് അക്രമം കാണിച്ചിട്ടുണ്ടോയെന്നും ജയരാജന്‍ ചോദിച്ചു. അക്രമികള്‍ എന്തും നടത്താന്‍ തയ്യാറെടുക്കുകയാണെന്നും ജയരാജന്‍ പറഞ്ഞു.