ആലപ്പുഴ: പുന്നപ്ര ഡോ. അംബേദ്കര്‍ മെമ്മോറിയല്‍ ഗവ. മോഡല്‍ റസിഡന്‍ഷ്യല്‍ സ്‌കൂളില്‍ മലയാളം,  ഹൈസ്‌കൂള്‍ വിഭാഗം ഇംഗ്ലീഷ്, ഹയര്‍സെക്കന്‍ഡറി വിഭാഗം ഇംഗ്ലീഷ് അധ്യാപികമാരെ ദിവസവേതനാടിസ്ഥാനത്തില്‍ താല്‍ക്കാലികമായി നിയമിക്കുന്നു. മലയാളം അധ്യാപികയ്ക്കായുള്ള വാക്ക് ഇന്‍ ഇന്റര്‍വ്യൂ ജൂലൈ 25ന് രാവിലെ 11ന് സ്‌കൂളില്‍ നടക്കും. യോഗ്യത: ബി.എ. മലയാളം, ബി.എഡ്. മലയാളം. താല്‍പ്പര്യമുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവില്‍ പങ്കെടുക്കണം. ഹൈസ്‌കൂള്‍ വിഭാഗത്തിലെയും ഹയര്‍സെക്കന്‍ഡറി വിഭാഗത്തിലെയും ഇംഗ്ലീഷ് അധ്യാപികയ്ക്കായുള്ള ഇന്റര്‍വ്യൂ ജൂലൈ 29ന് രാവിലെ 11ന് സ്‌കൂളില്‍ നടക്കും. ഹൈസ്‌കൂള്‍ വിഭാഗത്തില്‍ യോഗ്യത: ബി.എ. ഇംഗ്ലീഷ്, ബി.എഡ്. ഇംഗ്ലീഷ്. ഹയര്‍സെക്കന്‍ഡറി വിഭാഗത്തില്‍ യോഗ്യത: എം.എ., ബി.എഡ്., സെറ്റ് ഇംഗ്ലീഷ്. താല്‍പ്പര്യമുള്ളവര്‍ അസല്‍ സര്‍ട്ടിഫിക്കറ്റുകളും സ്വന്തം കൈപ്പടയില്‍ തയാറാക്കിയ അപേക്ഷയും ജൂലൈ 27ന് വൈകിട്ട് അഞ്ചിനുമുമ്പ് സ്‌കൂള്‍ ഓഫീസില്‍ സമര്‍പ്പിക്കണം.