വടക്കാഞ്ചേരി: ഇടത് ഭരണത്തില്‍ സംസ്ഥാനത്ത് സംതൃപ്തര്‍ ഇടനിലക്കാര്‍ മാത്രമാണെന്ന് കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍.
ഇടനിലക്കാരുടെ വിഹാരകേന്ദ്രമായി സെക്രട്ടേറിയറ്റും പരിസരവും മാറുകയാണ്.അഴിമതിയുടെ ആറാട്ടാണ് കേരളത്തില്‍.ജനം ഉറങ്ങുന്നതും ഉണരുന്നതും അഴിമതിയുടെ വാര്‍ത്തകള്‍ കേട്ടുകൊണ്ടാണെന്നും അദ്ധേഹം പറഞ്ഞു.വടക്കാഞ്ചേരി ലൈഫ് ഫ്‌ളാറ്റ് നിര്‍മാണ അഴിമതി സി.ബി.ഐ അന്വേഷിക്കണമെന്നാവശ്യപ്പെട്ട് തൃശൂര്‍ ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ നടന്ന സത്യഗ്രഹ സമരത്തില്‍ ഓണ്‍ലൈനിലൂടെ മുഖ്യപ്രഭാഷണം നടത്തുകയായിരുന്നു മുല്ലപ്പള്ളി രാമചന്ദ്രന്‍.