തിരുവനന്തപുരം: മുഖ്യമന്ത്രിക്കെതിരെ രൂക്ഷ വിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല. അവിശ്വാസ പ്രമേയത്തില്‍ പ്രതിപക്ഷം ഉന്നയിച്ചത് ആരോപണങ്ങളല്ലെന്നും വസ്തുതകളാണെന്നും അദ്ദേഹം ചൂണ്ടിക്കാട്ടി. എന്നാല്‍ ഒരു ആരോപണത്തിനു പോലും മുഖ്യമന്ത്രി മറുപടി പറഞ്ഞില്ല. മുഖ്യമന്ത്രി മറുപടി പറയാത്തപ്പോഴാണ് പ്രതിപക്ഷം ബഹളം വെച്ചത്. നിയമസഭാ ചട്ടം ലംഘിച്ച് മൂന്നേമുക്കാല്‍ മണിക്കൂറും മുഖ്യമന്ത്രി നോക്കി വായിക്കുകയായിരുന്നുവെന്നും അദ്ദേഹം കൂട്ടിച്ചേര്‍ത്തു.

പ്രതിപക്ഷം തെറി പറഞ്ഞിട്ടില്ല. തെറിപറയുന്നത് ആരാണെന്ന് ജനങ്ങള്‍ക്കറിയാം. സ്വന്തം ശീലം വെച്ച് മറ്റുള്ളവരെ അളക്കരുത്. പരനാറി നികൃഷ്ടജീവി പ്രയോഗങ്ങള്‍ നടത്തിയപിണറായി ഉപദേശിക്കേണ്ടെന്നും ചെന്നിത്തല പ്രതികരിച്ചു.