വാടാനപ്പള്ളി: തൃത്തല്ലൂര്‍ എംഗല്‍സ് നഗറില്‍ സി.പി.എം - ബി.ജെ.പി പ്രവര്‍ത്തകര്‍ തമ്മിലുണ്ടായ സഘര്‍ഷത്തില്‍ ആറ് പേര്‍ക്കു പരുക്കേറ്റു. സി.പി.എം പ്രവര്‍ത്തകരായ സൂരജ്, കണ്ണമോന്‍, ജംഷാദ് , ബി.ജെ.പിക്കാരായ അഖിലേഷ്, ബാബുട്ടന്‍, ബല്‍ജിത്ത് എന്നിവര്‍ക്കാണ് പരുക്ക്.
സി.പി.എം പ്രവര്‍ത്തകരെ വലപ്പാട് ഗവ. സാമൂഹികാരോഗ്യ കേന്ദ്രത്തിലും ബി.ജെ.പി പ്രവര്‍ത്തകരെ ചാവക്കാട് താലൂക്ക് ആശുപത്രിയിലും പ്രവേശിപ്പിച്ചു.
കഴിഞ്ഞ ദിവസം രാത്രി ഒന്‍പതേമുക്കാലിനാണ് സംഭവം.നേരത്തെ വാടാനപ്പള്ളി അപകട വളവിലെ ജ്യൂസ് കടയില്‍ വച്ച് ഒരു യുവതിയെ നോക്കിയതു സംബന്ധിച്ച് ഇരു വിഭാഗവും തര്‍ക്കം നടന്നിരുന്നു.
ഇത് പറഞ്ഞുതീര്‍ക്കുന്നതിനായി എംഗല്‍സ് നഗറില്‍ ബി.ജെ.പി പ്രവര്‍ത്തകര്‍ എത്തിയിരുന്നു. തുടര്‍ന്ന് നടന്ന വാക് തര്‍ക്കം അടിപിടിയില്‍ കലാശിക്കുകയായിരുന്നു.