ചെറുതുരുത്തി: പ്രളയകെടുതിയില്‍ ദുരിതമനുഭവിയ്ക്കുന്നവര്‍ക്ക് ആശ്വാസ കിരണവുമായി വരവൂര്‍ വലിയുല്ലാഹി മുഹമ്മദ് കുട്ടി മസ്താന്‍ ഉപ്പാപ്പ മഖാം ട്രസ്റ്റ് . വരവൂര്‍ ജനതയുടെ സഹകരണത്തോടെയായിരുന്നു തൃശൂര്‍ എറണാകുളം ജില്ലയിലെ വിവിധ ഭാഗങ്ങളില്‍ ദുരിതം നേരിടുന്നവര്‍ക്ക് 3600 കിലോഅരിയും 500 കുടുംബങ്ങള്‍ക്ക് വേണ്ട പലചരക്ക് സാധനങ്ങളും വിതരണം ചെയ്തത്. വീടുകളിലെത്തി 1500 കിലോ അരി കൂടി വിതരണം ചെയ്യുമെന്ന് ട്രസ്റ്റ് ചെയര്‍മാന്‍ മുഹമ്മദ് അലി ഓണമ്പിള്ളി അറിയിച്ചു.