ദമാം: കൊറോണക്കാലത്ത് പതിവ് ഓണാഘോഷപരിപാടികൾ സംഘടിപ്പിക്കാനുള്ള പരിമിതികളെ മറികടക്കാനുള്ള ശ്രമങ്ങളുടെ ഭാഗമായി നവയുഗം സാംസ്ക്കാരികവേദി കുടുംബവേദിയുടെ ആഭിമുഖ്യത്തിൽ പ്രവാസികൾക്കും കുടുംബങ്ങൾക്കുമായി ഓൺലൈൻ ഇന്ററാക്റ്റിവ് മെന്റാലിസം ഷോ ഓൺലൈനിൽ സംഘടിപ്പിച്ചു. വേഗത്തിൽ മറ്റുള്ളവരുടെ മനസ്സ് വായിക്കുന്നതിൽ റെക്കോർഡ് നേടിയിട്ടുള്ള പ്രശസ്ത മെന്റാലിസ്റ്റ് പ്രീത് അഴിക്കോട് ആണ് ഷോ അവതരിപ്പിച്ചത്.

    ഒന്നരമണിക്കൂർ നീണ്ടുനിന്ന മെന്റാലിസം ഷോ പങ്കെടുത്ത സൗദിപ്രവാസികൾക്ക് ഒരു പുതിയ അനുഭവമായി മാറി. പരിപാടിയ്ക്ക് നവയുഗം കുടുംബവേദി സെക്രെട്ടറി ശരണ്യ ഷിബുകുമാർ, പ്രസിഡന്റ് ഗോപകുമാർ എന്നിവർ നേതൃത്വം നൽകി.