തേഞ്ഞിപ്പലം: കാലിക്കറ്റ് സര്‍വകലാശാലയില്‍ നിയമിച്ച ഫാക്കല്‍റ്റി ഡീനുമാരില്‍ ദലിതര്‍, മുസ്‌ലിംകള്‍ ഉള്‍പ്പെടെയുള്ള പിന്നാക്കക്കാര്‍ക്ക് അര്‍ഹമായ പ്രാതിനിധ്യമില്ലെന്ന് പരാതി. 14 ഫാക്കല്‍റ്റി ഡീനുമാരില്‍ ഈഴവ പ്രാതിനിധ്യം ഒന്നു മാത്രമാണ്.
കാലിക്കറ്റില്‍ നൂറിലേറെ അധ്യാപക നിയമനങ്ങള്‍ നടക്കാനിരിക്കെ സെലക്ഷന്‍ കമ്മിറ്റിയിലുള്ള ഡീനുമാരില്‍ പിന്നാക്ക പ്രാതിനിധ്യം ഒഴിവാക്കിയത് സംവരണ അട്ടിമറി നടത്താനാണെന്നാണ് ആക്ഷേപം.
ഡോക്ടറേറ്റ് ഇല്ലാത്തവരും വെറും ഡിപ്ലോമക്കാര്‍ വരെയുള്ളവരെ ഡീന്‍ തസ്തികയില്‍ നിയമിച്ചിട്ടുണ്ട്. പിന്നാക്ക പ്രാതിനിധ്യം കുറഞ്ഞ ഡീന്‍ നിയമനം റദ്ദാക്കണമെന്നും ഇവര്‍ക്ക് അവസരം നല്‍കി വീണ്ടും നിയമനം നടത്തണമെന്നും ആവശ്യപ്പെട്ട് കേരള ഹയര്‍ എജ്യുക്കേഷന്‍ ഫോറം കാലിക്കറ്റ് വി.സിക്ക് പരാതി നല്‍കി.