ടക്റ്റ്‌ല: ദക്ഷിണ മെക്‌സിക്കോയിലെ ദുര്‍ഗുണപരിഹാര പാഠശാലയില്‍നിന്ന് 1300 കുടിയേറ്റക്കാരായ കുട്ടികള്‍ രക്ഷപ്പെട്ടു. തിരക്കു കുറയ്ക്കാന്‍ നടപടിയെടുത്തില്ലെങ്കില്‍ തീയിടുമെന്നു ഭീഷണിപ്പെടുത്തിയായിരുന്നു രക്ഷപ്പെടല്‍. അത്താഴസമയത്തായിരുന്നു ക്യൂബക്കാരായ ഇവര്‍ രക്ഷപ്പെട്ടത്.
അതേസമയം 700 പേര്‍ വൈകാതെ തിരിച്ചുവന്നെന്നും 600 പേരെ കുറിച്ചു വിവരമില്ലെന്നും അധികൃതര്‍ പറഞ്ഞു. ഒക്ടോബര്‍ മുതല്‍ പതിനായിരക്കണക്കിന് കുടിയേറ്റക്കാരാണ് മധ്യ അമേരിക്കയില്‍ നിന്നും ക്യൂബയില്‍ നിന്നും മെക്‌സിക്കോയിലേക്കു കടക്കുന്നത്. അതേസമയം അവിടെ സ്ഥലസൗകര്യമില്ലെന്നും നിലത്താണ് ഉറങ്ങുന്നതെന്നും കുട്ടികള്‍ പറഞ്ഞു.