കോഴിക്കോട്: പ്രമുഖ പണ്ഡിതനും പ്രഭാഷകനുമായിരുന്ന വി.പി സെയ്ത് മുഹമ്മദ് നിസാമിയുടെ അനുസ്മരണം സെപ്റ്റംബര്‍ എട്ടിന് ശനിയാഴ്ച മൂന്നിന് സുപ്രഭാതം ഓഡിറ്റോറിയത്തില്‍ നടത്തുവാന്‍ സംയുക്ത മഹല്ല് ജമാഅത്ത് കമ്മിറ്റി തീരുമാനിച്ചു.
പാണക്കാട് സയ്യിദ് സ്വാദിഖലി ശിഹാബ് തങ്ങള്‍, ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, എം.പി അബ്ദുസമദ് സമദാനി, പ്രൊഫ. ബഹാഉദ്ദീന്‍ മുഹമ്മദ് നദ്‌വി, കെ. ഉമര്‍ ഫൈസി മുക്കം, എ.വി അബ്ദുറഹിമാന്‍ മുസ്‌ലിയാര്‍ പങ്കെടുക്കും. പരിപാടികള്‍ക്ക് പി.കെ മുഹമ്മദിന്റെ അധ്യക്ഷതയില്‍ ചേര്‍ന്ന യോഗം അന്തിമരൂപം നല്‍കി. അബ്ദുറസാഖ് ഹാജി മായനാട്, സൈനുല്‍ ആബിദീന്‍ തങ്ങള്‍, സി.പി ഉസ്മാന്‍കോയ, എന്‍. മൊയ്തീന്‍കോയ, അബൂബക്കര്‍കോയ, ജിഫ്‌രി മാനന്ത്രാവില്‍, മൊയ്തീന്‍കോയ കോട്ടുമ്മല്‍, യൂസുഫ് വെള്ളയില്‍ സംസാരിച്ചു.