തിരുവനന്തപുരം: കരിമഠം കോളനിയില്‍ യൂത്ത് കോണ്‍ഗ്രസ്-ഡി.വൈ.എഫ്.ഐ പ്രവര്‍ത്തകര്‍ തമ്മില്‍ സംഘര്‍ഷം. ബൈക്ക് റേസിങിനെച്ചൊല്ലിയുണ്ടായ തര്‍ക്കമാണ് സംഘര്‍ഷത്തിലേക്ക് നയിച്ചത്.

ഇന്നലെ രാത്രിയിലായിരുന്നു സംഭവം. യൂത്ത് കോണ്‍ഗ്രസുകാരാണ് ബൈക്ക് റേസിങിനു പിന്നിലെന്ന് ആരോപിച്ച് ഡി.വൈ.എഫ്.ഐ പ്രവര്‍ത്തകര്‍ സംഘടിക്കുകയായിരുന്നു. ഇതിനു പിന്നാലെ ഉന്തും തള്ളും ഉണ്ടായി.

സംഭവത്തില്‍ ഫോര്‍ട്ട് പൊലിസ് കേസെടുത്തു. അതേസമയം, സംഘര്‍ഷ സാധ്യത കണക്കിലെടുത്ത് കൂടുതല്‍ പൊലിസ് എത്തി കരിമഠം കോളനിയില്‍ ക്യാംപ് ചെയ്യുകയാണ്.