മലപ്പുറം: സംസ്ഥാന സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ആരോഗ്യ ഇന്‍ഷുറന്‍സ് പദ്ധതി ഏര്‍പ്പെടുത്തിയപ്പോള്‍ മുന്‍ തീരുമാനങ്ങളില്‍ നിന്നും വ്യത്യസ്ഥമായി സര്‍ക്കാര്‍ നിബന്ധനകള്‍ ഉള്‍പ്പെടുത്തിയത് തികച്ചും വഞ്ചനാപരവും പ്രതിഷേധാര്‍ഹവുമാണെന്ന് പെന്‍ഷനേഴ് ലീഗ് സംസ്ഥാന കമ്മിറ്റി ആരോപിച്ചു. ഔട്ട് പേഷ്യന്റ് ചികിത്സ ഒഴിവാക്കിക്കൊണ്ടുള്ള ഒരു ഇന്‍ഷുറന്‍സ് പദ്ധതി അംഗീകരിക്കാന്‍ കഴിയില്ലെന്നും ഇതിനെതിരെ ശക്തമായ സമര പരിപാടിയുമായി മുന്നോട്ട് പോകുമെന്നും യോഗം മുന്നറിയിപ്പു നല്‍കി. പ്രസിഡന്റ് നാനാക്കല്‍ മുഹമ്മദ് അധ്യക്ഷനായി. ആസാദ് വണ്ടൂര്‍, അഹമ്മദ് മേത്തൊടിക, അഡ്വ.നസീം ഹരിപ്പാട്, വി.എം.അബൂബക്കര്‍ മാസ്റ്റര്‍തുടങ്ങിയവര്‍ സംസാരിച്ചു.