അബൂദബി: നഗര സൗന്ദര്യത്തെ ബാധിക്കുന്ന തരത്തിൽ പൊതുനിരത്തിൽ ഉപേക്ഷിക്കുകയോ പൊടിപിടിച്ച നിലയിൽ പാർക്ക് ചെയ്യുകയോ ചെയ്യുന്ന വാഹന ഉടമകളിൽ നിന്ന് 4000 ദിർഹം (₹95,022) പിഴ ഈടാക്കുമെന്ന് അബൂദബി നഗരസഭയുടെ ഗതാഗത വിഭാഗം മുന്നറിയിപ്പ് നൽകി. അതോടൊപ്പം, വാഹനത്തിന്റെ അവശിഷ്ടങ്ങൾ പൊതുസ്ഥലത്ത് ഉപേക്ഷിക്കുന്നവർക്കും ഇതേ പിഴ ചുമത്തുമെന്ന് അധികൃതർ വ്യക്തമാക്കി.

ആദ്യമായി നിയമം ലംഘിക്കുന്നവരിൽ നിന്ന് 1000 ദിർഹം പിഴയും, രണ്ടാം തവണക്കാരിൽ നിന്ന് 2000 ദിർഹം പിഴയും ഈടാക്കും. നിയമലംഘനം തുടർന്നാൽ പിഴ 4000 ദിർഹമായി ഉയരും. രാജ്യത്ത് നിന്ന് ദീർഘകാല അവധിക്കു പോകുന്നവർ വാഹനങ്ങൾ വൃത്തിയായി സൂക്ഷിക്കാനുള്ള ക്രമീകരണം നടത്തണമെന്ന് നഗരസഭ നിർദേശിച്ചു. പൊതുപാർക്കിങ് ദുരുപയോഗം ചെയ്ത് മാസങ്ങളോളം ഉപയോഗം ഇല്ലാതെ പൊടിപിടിച്ച് നിർത്തിയിട്ട വാഹനങ്ങൾക്കു നേരെ നഗരസഭ ആദ്യം മൂന്ന് ദിവസത്തേക്കുള്ള മുന്നറിയിപ്പ് നോട്ടിസ് പതിക്കും.

നിർദേശിച്ച സമയത്തിനുള്ളിൽ വാഹനം വൃത്തിയാക്കുകയോ മാറ്റുകയോ ചെയ്തില്ലെങ്കിൽ പരമാവധി 4000 ദിർഹം വരെ പിഴ ചുമത്തും. മുന്നറിയിപ്പ് അവഗണിച്ചാൽ മുനിസിപ്പാലിറ്റി ഉദ്യോഗസ്ഥർ എത്തി വാഹനം കെട്ടിവലിച്ച് യാഡിലേക്കു മാറ്റും. വാഹനം തിരിച്ചുപിടിക്കാൻ 1500 ദിർഹം അടക്കേണ്ടിവരും. അതേസമയം, 30 ദിവസത്തിന് ശേഷമാണ് വാഹനം വീണ്ടെടുക്കുന്നതെങ്കിൽ പിഴ 3000 ദിർഹമാകും.

Motorists in Abu Dhabi are being warned of hefty fines of up to AED 4,000 for parking their vehicles on sandy areas, emphasizing the importance of adhering to designated parking spaces.