പുതുക്കാട് (തൃശൂര്‍): പാഴായിയില്‍ രണ്ടു പേരെ കൊലപ്പെടുത്തിയ കേസില്‍ ഒളിവിലായിരുന്ന പ്രതിയെ പുതുക്കാട് പൊലിസ് അറസ്റ്റ് ചെയ്തു.
കേസില്‍ മൂന്നാം പ്രതിയായ മുത്രത്തിക്കര മാണിക്യത്ത് ദീപുവിനെയാണ് അറസ്റ്റ് ചെയ്തത്.2012 ജൂണ്‍ ആറിനായിരുന്നു കേസിനാസ്പദമായ സംഭവം.പുതുക്കാട് വടക്കെ തൊറവ് സ്വദേശികളായ കേളംപ്ലാക്കല്‍ ജംഷീര്‍, തുമ്പരപ്പിള്ളി ഗോപി എന്നിവരെയാണ് പാഴായിയില്‍ പാടത്തുവെച്ച് വെട്ടിക്കൊലപ്പെടുത്തിയത്.
കേസില്‍ 9 പ്രതികളില്‍ 5 പേരെ ജീവപര്യന്തം തടവിന് വിധിച്ചിരുന്നു. 3 പേരെ വെറുതെ വിട്ടു. കൊലപാതകത്തിന് ശേഷം ഒളിവില്‍ പോയ പ്രതിയെ നന്തിക്കരയില്‍ നിന്നാണ് പിടികൂടിയത്.
പുതുക്കാട് സി.ഐ സി.ജെ മാര്‍ട്ടിന്‍,എസ്.ഐ കൃഷ്ണകുമാര്‍, അലി, കിഷോര്‍, ലിജോണ്‍, വി.എ ഷെമീര്‍, സുമേഷ്, മനോജ് എന്നിവരടങ്ങിയ സംഘമാണ് പ്രതിയെ പിടികൂടിയത്.